Ідэалагічная работа ў санаторыі

Ідэалагічная работа ў ДУ "Санаторый "Сосны" праводзіцца на падставе Дырэктыў і Указаў Прэзідэнта Рэспублікі Беларусь, распараджэнняў Адміністрацыі Прэзідэнта і пастаноў Савета Міністраў.

У адпаведнасці з Указам Прэзідэнта Рэспублікі Беларусь ад 20.02.2004 г. № 111 "Аб удасканаленні кадравага забеспячэння ідэалагічнай работы ў Рэспубліцы Беларусь" функцыі па арганізацыі інфармацыйна-выхаваўчай і ідэалагічнай работы ва ўстанове ўскладзены на намесніка дырэктара па арганізацыйна-метадычнай і ідэалагічнай рабоце.  У ДУ "Санаторый "Сосны" ідэалагічную работу курыруе намеснік дырэктара па медыцынскай частцы Севасцьян Вольга Васільеўна.

Ідэалагічная і інфармацыйна-выхаваўчая работа будуецца на аснове перспектыўнага і бягучага планавання.
Прыярытэтным напрамкам ідэалагічнай работы з'яўляецца інфармацыйнае забеспячэнне жыццядзейнасці калектыву.

Адной з асноўных форм інфармацыйна-растлумачальнай работы ў санаторыі выступае правядзенне адзіных дзён інфармавання. Сустрэчы праходзяць у санаторыі штомесяц. Пытанні і прапановы, якія паступаюць, знаходзяць сваё неадкладнае рашэнне.

Згодна з Указам Прэзідэнта Рэспублікі Беларусь ад 16.06.2003 № 254 "Аб дзейнасці інфармацыйна-прапагандысцкіх груп і аб удзеле кіраўнікоў рэспубліканскіх арганізацый у ідэалагічнай рабоце", у мэтах давядзення дакладнай і поўнай інфармацыі ва ўстанове створана інфармацыйна-прапагандысцкая група, кіраўніком якой з'яўляецца дырэктар.

Ва ўстанове наладжана інфармаванне аб найважнейшых падзеях у грамадска-палітычным жыцці, праводзіцца павышэнне ведаў у пытаннях зваротаў грамадзян, арганізуецца інфармаванне па медыцынскай тэматыцы. Пры гэтым выкарыстоўваюцца розныя формы і метады работы:

1. Правядзенне адзіных дзён інфармавання;
2. Правядзенне нарад у дырэктара (3 разы на тыдзень);
3. Вытворчыя нарады ў структурных падраздзяленнях (штотыдзень);
4. Прыёмы грамадзян па асабістых пытаннях кіраўніцтвам ДУ "Санаторый "Сосны";
5. Абнаўленне Інтэрнэт-сайта ўстановы;
6. Наладжана ўзаемадзеянне са сродкамі масавай інфармацыі.

На вытворчых нарадах на працягу года паўторна вывучаліся палажэнні Дырэктыў Прэзідэнта Рэспублікі Беларусь ад 11 сакавіка 2004 года №1 "Аб мерах па ўмацаванні грамадскай бяспекі і дысцыпліны", ад 27 снежня 2006 года № 2 "Аб мерах па далейшай дэбюракратызацыі дзяржаўнага апарату" і ад 14 чэрвеня 2007 года № 3 "Эканомія і беражлівасць – галоўныя фактары эканамічнай бяспекі дзяржавы", а таксама Законы Рэспублікі Беларусь "Аб барацьбе з карупцыяй" і "Аб асновах адміністрацыйных працэдур", "Аб зваротах грамадзян і юрыдычных асоб".     

У сістэме інфармацыйна-выхаваўчай работы значнае месца адводзіцца сумеснаму супрацоўніцтву з прафсаюзнай арганізацыяй, грамадскім аб'яднаннем "Беларускі саюз жанчын" і "БРСМ", з "Саветам ветэранаў", ГА "Белая Русь", з рэлігійнымі арганізацыямі. У санаторыі праводзіцца актыўная работа па стварэнні нармальных умоў працы і побыту супрацоўнікаў, падтрыманні стабільнага маральна-псіхалагічнага клімату ў калектывах падраздзяленняў.

Наладжана работа па падпісцы на друкаваныя перыядычныя выданні, што спрыяе стварэнню бесперашкоднага доступу да самай разнапланавай і аператыўнай інфармацыі.

Ва ўстанове выкарыстоўваюцца формы маральнага стымулявання – штогод да прафесійных святаў і юбілейных дат праводзіцца ўзнагароджанне ганаровымі граматамі ўстановы; падзячнымі лістамі і ганаровымі граматамі Упраўлення справамі Прэзідэнта Рэспублікі Беларусь.  

Важным складнікам ідэалагічнай работы па фарміраванні прафесійнага гонару і датычнасці да агульных спраў, гісторыі санаторыя, яго традыцый і дасягненняў з'яўляюцца сумесныя мерапрыемствы супрацоўнікаў і ветэранаў працы, якія дазваляюць не толькі аб'ядноўваць людзей у высокаарганізаваны калектыў, але і фармаваць яго карпаратыўную мараль.

Калектыў установы актыўна ўдзельнічае ў грамадскім жыцці Мядзельскага раёна: у мерапрыемствах, прымеркаваных да святкавання дзяржаўных святаў і памятных дат.